ఐఐటీ అధికారులపై ఎస్సీఎస్టీ కేసు

కంది, న్యూస్‌టుడే: అన్యాయంగా కులవివక్ష చూపిస్తూ, నిబంధనలకు విరుద్ధంగా ఉద్యోగం నుంచి తొలగించారని ఓ ఉద్యోగి ఫిర్యాదు చేయడంతో ఎస్సీఎస్టీ కేసు నమోదు అయిన సంఘటన సంగారెడ్డి రూరల్‌ ఠాణాలో ఈ నెల 28న చోటు చేసుకుంది. ఎస్సై శ్రీనివాస్‌రెడ్డి తెలిపిన ప్రకారం..భువనగిరి జిల్లా, బీబీనగర్‌ మండలం, జంపల్లికి చెందిన ముడావత్‌ బాహుసింగ్‌ 2012లో కంది మండలం ఐఐటీ హైదరాబాద్‌లో రెగ్యులర్‌ ప్రాతిపదికన ఎస్టీ రిజర్వుకింద ఎగ్జిక్యూటివ్‌ అసిస్టెంట్‌గా విధుల్లో చేరారు. అప్పటి డైరెక్టర్‌ యు.బి. దేశాయ్‌, రిజిస్ట్రార్‌ ఎన్‌.జయరాం, హాస్టల్‌ వార్డెన్లు ప్రేమ్‌పాల్‌, కీర్తి చంద్రసాహుల్‌ తనను వివక్ష గురి చేసి, వారి అక్రమ సంపాదనకు అడ్డుపడుతున్నానని, ఉద్యోగం నుంచి తొలగించారని ఫిర్యాదు చేశారు. ఆయన ఇచ్చిన ఫిర్యాదు మేరకు  నలుగురిపై ఎస్సీఎస్టీ కేసు నమోదు చేసినట్లు ఎస్సై తెలిపారు.