logo

కాంగ్రెస్‌ ‘గౌరవ్‌ యాత్ర’ ప్రారంభం

ఎందరో మహనీయుల త్యాగ ఫలమే భారత స్వాతంత్య్రమని డీసీసీ అధ్యక్షుడు కంఠారెడ్డి తిరుపతిరెడ్డి అన్నారు. దేశానికి స్వాతంత్య్రం వచ్చి 75 సంవత్సరాలు పూర్తి చేసుకుంటున్న సందర్భంగా ఏఐసీసీ పిలుపు మేరకు ‘ఆజాదీ కా గౌరవ్‌ పాదయాత్ర’ పేరిట 75కి.మీలు చేపట్టనున్న పాదయాత్రను

Published : 13 Aug 2022 01:38 IST

పాదయాత్రలో డీసీసీ అధ్యక్షుడు తిరుపతిరెడ్డి, తదితరులు

పాపన్నపేట: ఎందరో మహనీయుల త్యాగ ఫలమే భారత స్వాతంత్య్రమని డీసీసీ అధ్యక్షుడు కంఠారెడ్డి తిరుపతిరెడ్డి అన్నారు. దేశానికి స్వాతంత్య్రం వచ్చి 75 సంవత్సరాలు పూర్తి చేసుకుంటున్న సందర్భంగా ఏఐసీసీ పిలుపు మేరకు ‘ఆజాదీ కా గౌరవ్‌ పాదయాత్ర’ పేరిట 75కి.మీలు చేపట్టనున్న పాదయాత్రను శుక్రవారం పాపన్నపేట నుంచి ప్రారంభించారు. ఈ సందర్భంగా ఆయన మాట్లాడుతూ.. బ్రిటిష్‌ ప్రభుత్వ లాఠీలకు, తూటాలకు భయపడకుండా వీరోచితంగా పోరాడి కాంగ్రెస్‌ నాయకులు దేశానికి స్వాతంత్య్రం తెచ్చారన్నారు. పాదయాత్ర సాయంత్రం 22కి.మీ. పూర్తయి మెదక్‌ మండలం మంబోజిపల్లి వరకు చేరింది. టీపీసీసీ కార్యదర్శి సుప్రభాతరావు, టీపీసీసీ నాయకులు మ్యాడం బాలకృష్ణ, కిసాన్‌సెల్‌ జిల్లా అధ్యక్షుడు ప్రభాకర్‌రెడ్డి, డీసీసీ జిల్లా అధికార ప్రతినిధి శ్రీకాంతప్ప, ఎస్టీ సెల్‌ జిల్లా అధ్యక్షుడు ప్రేమ్‌రాథోడ్‌, యువజన కాంగ్రెస్‌ జిల్లా అధ్యక్షుడు మహేందర్‌రెడ్డి, మెదక్‌ అసెంబ్లీ అధ్యక్షుడు రమేష్‌గౌడ్‌, పార్టీ మండల అధ్యక్షుడు గోవింద్‌నాయక్‌, కిసాన్‌సెల్‌ జిల్లా ప్రధాన కార్యదర్శి నిటలాక్షప్ప, తదితరులున్నారు.

Read latest Medak News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts