వైభవంగా శివ మార్కండేయ శోభాయాత్ర

దుబ్బాకలో స్వామి ఊరేగింపులో భక్తులు

దుబ్బాక, న్యూస్‌టుడే : రాఖీ పూర్ణిమ సందర్భంగా దుబ్బాకలో శుక్రవారం శివ మార్కండేయ ఆలయంలో పద్మశాలి సమాజం ఆధ్వర్యంలో పూజా కార్యక్రమాలు నిర్వహించారు. ఉదయం రుద్రాభిషేకం, ధ్వజారోహణం, మండపారాధన, యజ్ఞోపవీత ధారణం, యజ్ఞం, పుర్ణాహుతి నిర్వహించారు. అనంతరం మధ్యాహ్నం భజన మండలి నృత్య గానాలతో శివ మార్కండేయ స్వామి సేవ ఊరేగింపు నిర్వహించారు. ప్రత్యేకంగా వాహనంపై మగ్గం ఏర్పాటు చేసి ఊరేగిస్తూనే శాలువను నేశారు. అనంతరం స్వామికి సమర్పించారు. పది, ఇంటర్‌ ఫలితాల్లో విశేష ప్రతిభ కనబరిచిన విద్యార్థులకు బహుమతులు అందజేశారు. పద్మశాలి సంఘం పట్టణ అధ్యక్షుడు రమేశ్‌, యువజన సంఘం అధ్యక్షుడు చంద్రశేఖర్‌, సోమ విఠలేశ్వర్‌, శంకర్‌, బాల్‌రాజు, దుబ్బయ్య పాల్గొన్నారు.