ప్రయోగాత్మకం.. పచ్చందం

రామాయంపేట - దౌల్తాబాద్‌ మార్గంలో..

మొక్కలు నాటితే వాటి ప్రయోజనం ఎంత ఉంటుందో రామాయంపేట నుంచి దౌల్తాబాద్‌కు వెళ్లే మార్గాన్ని చూస్తే తెలుస్తుంది. రోడ్డుకు ఇరువైపులా నాటి ప్రతి మొక్కను సంరక్షించడంతో అవి ఏపుగా పెరిగి ఆహ్లాదాన్ని పంచుతున్నాయి. 2017లో అటవీ శాఖ ఆధ్వర్యంలో వేసవిలో ప్రయోగాత్మకంగా గుల్‌మోహర్‌, సెల్టోఫాం, స్పాతోడియా మొక్కలు నాటారు. అన్ని జాగ్రత్తలు తీసుకొని సంరక్షించారు. ఇప్పుడవి వృక్షాలుగా మారి ప్రయాణికులకు నీడ, గాలిని అందిస్తున్నాయి. కి.మీ.కు ఇరువైపులా 400 చొప్పున మొక్కలు నాటారు. 23 కి.మీ. మేర 9,200 మొక్కలు నాటారు. వీటిలో 90 శాతం వరకు ఏపుగా పెరిగాయి.

* చేగుంట నుంచి బోనాల కొండాపూర్‌ మీదుగా ఖాజీపూర్‌ వరకు, చేగుంట నుంచి మక్కరాజుపేట వరకు రహదారికి ఇరువైపులా 2018లో వివిధ మొక్కలు నాటగా.. పెరిగి కనువిందు చేస్తున్నాయి.

- న్యూస్‌టుడే, చేగుంట