వైభవంగా నవరాత్రి ఉత్సవాలు

మిరుదొడ్డి : సిద్దిపేట జిల్లా మిరుదొడ్డి మండలం మోతే శ్రీ లక్షీ వేంకటేశ్వర స్వామి దేవాలయంలో..  దేవి శరన్నవరాత్రి ఉత్సవాల్లో భాగంగా జ్ఞాన సరస్వతి అమ్మవారు రాజరాజేశ్వరి దేవి రూపంలో భక్తులకు దర్శనమిచ్చారు. ఈ సందర్భంగా ఆలయంలో చండీ హోమం, అమ్మవారి ఊరేగింపు, మహా పూర్ణాహుతి నిర్వహించారు. ఉదయం 3 గంటల నుంచే భక్తులు వివిధ జిల్లాల నుంచి తరలివచ్చారు. అమ్మవారి నామస్మరణతో ఆలయ ప్రాంగణం మారుమోగింది. భక్తులకు ఎటువంటి అసౌకర్యాలు కలుగకుండా ఆలయ ధర్మకర్త భాస్కర్‌రావు పంతులు ఆధ్వర్యంలో ప్రత్యేక ఏర్పాట్లు చేశారు.