దత్తతతో మరింత పురోగతి: మహిపాల్‌రెడ్డి

నీటి ట్యాంకును ప్రారంభిస్తున్న ఎమ్మెల్యే మహిపాల్‌రెడ్డి, పరిశ్రమ ప్రతినిధులు, నేతలు

గుమ్మడిదల, న్యూస్‌టుడే: గ్రామాలు అభివృద్ధి చేయడానికి సామాజిక బాధ్యతగా పరిశ్రమలు ముందుకు రావడం అభినందనీయమని ఎమ్మెల్యే మహిపాల్‌రెడ్డి పేర్కొన్నారు. మంగళవారం బొంతపల్లి పంచాయతీ వీరభద్రనగర్‌లోని గ్రాన్యూయల్స్‌ పరిశ్రమ సాయంతో నిర్మించిన రక్షిత నీటి ట్యాంకును పరిశ్రమ ఛైర్మన్‌, ఎండీ చిగురుపాటి కృష్ణప్రసాద్‌, ఈడీ ఉమాదేవిలతో కలిసి ప్రారంభించారు. ఈ సందర్భంగా ఎమ్మెల్యే మాట్లాడారు. గ్రామాలను పరిశ్రమలు దత్తత తీసుకుని అభివృద్ధి చేస్తే మరింత పురోగతి సాధిస్తాయని తెలిపారు. బొంతపల్లి సర్పంచి ఆలేటి నవీన, ఉపసర్పంచి సంజీవరెడ్డి, ఎంపీపీ ప్రవీణ, జడ్పీటీసీ కుమార్‌గౌడ్‌, ఎంపీటీసీ నాగేందర్‌గౌడ్‌, మండల తెరాస అధ్యక్షుడు హుస్సేన్‌ పాల్గొన్నారు.