జిల్లా గ్రంథాలయ బడ్జెట్‌ రూ.1.74 కోట్లు

మాట్లాడుతున్న చంద్రాగౌడ్‌, పాలకవర్గ సభ్యులు

మెదక్‌ టౌన్‌, న్యూస్‌టుడే: జిల్లా గ్రంథాలయ సంస్థ వార్షిక బడ్జెట్‌ రూ.1.74 కోట్లకు పాలకవర్గం ఏకగ్రీవంగా అమోదించింది. అనుమతి కోసం కేంద్ర కార్యాలయానికి పంపించారు. శుక్రవారం మెదక్‌ పట్టణంలోని జిల్లా గ్రంథాలయంలో ఆ సంస్థ జిల్లా అధ్యక్షుడు చంద్రాగౌడ్‌ అధ్యక్షతన నిర్వహించిన సాధారణ సర్వసభ్య సమావేశంలో 2023-24 ఆర్థిక సంవత్సరానికి బడ్జెట్‌ను రూపొందించి ఆమోదించారు. ఈ సందర్భంగా ఆయన మాట్లాడారు. మెదక్‌ పట్టణంలో నిర్మాణంలో ఉన్న గ్రంథాలయ భవనానికి నిధులు సమకూర్చుకోవడానికి చర్యలు తీసుకోవాలని అధికారులకు సూచించారు. జిల్లాలోని ఉద్యోగులతో సమీక్ష నిర్వహించి వారి సమస్యలు తెలుసుకుంటామని, సహకారం అందిస్తామన్నారు. గ్రంథాలయ సంస్థ జిల్లా కార్యదర్శి వంశీకృష్ణ మాట్లాడుతూ.. .ప్రస్తుతం వివిధ ఉద్యోగ ప్రకటనలు వెలువడుతున్నందున గ్రంథాలయానికి అధిక సంఖ్యలో నిరుద్యోగులు వస్తారన్నారు. వారికి ఇబ్బందులు లేకుండా సహకరించాలన్నారు.  అనంతరం తాత్కాలిక ఉద్యోగి కుమారుడి వైద్య ఖర్చులకు జమచేసిన రూ.70 వేలను విరాళంగా అందజేశారు. సమావేశంలో ఆ సంస్థ సభ్యులు సిద్దిరాములు, శ్రీనివాస్‌, విజయలక్ష్మి, వయోజన విద్యా డిప్యూటీ డైరెక్టర్‌ రామేశ్వర్‌రావు, డీఈవో రమేష్‌కుమార్‌, డీపీవో సాయిబాబా, గ్రంథాలయ పాలకులు తదితరులు పాల్గొన్నారు.

* ఇటీవల మెదక్‌ పాలనాధికారిగా రాజర్షి షా బాధ్యతలు స్వీకరించిన నేపథ్యంలో గ్రంథాలయ సంస్థ జిల్లా అధ్యక్షుడు చంద్రాగౌడ్‌ శుక్రవారం ఆయన్ని మర్యాదపూర్వకంగా కలశారు. శాలువతో సన్మానించారు. మెదక్‌ పట్టణంలో నిర్మాణంలో ఉన్న జిల్లా గ్రంథాలయ భవనానికి నిధులు మంజూరు చేయాలని కోరారు.