నియోజకవర్గ అభివృద్ధే ధ్యేయం: ఎమ్మెల్యే

అక్బర్‌పేట కూడలిలో ఆకాశ (హైమాస్ట్‌) దీపాలను ప్రారంభిస్తున్న రఘునందన్‌రావు

న్యూస్‌టుడే - మిరుదొడ్డి, దుబ్బాక: దుబ్బాక నియోజకవర్గాన్ని అన్ని రంగాల్లో అభివృద్ధి చేయడమే తన ధ్యేయమని ఎమ్మెల్యే రఘునందన్‌రావు పేర్కొన్నారు. ఆదివారం అక్బర్‌పేట కూడలిలో, దుబ్బాక మండలంలోని పద్మశాలి గడ్డలో సొంత నిధులతో ఏర్పాటు చేసిన ఆకాశ దీపాలను (హైమాస్ట్‌) ప్రారంభించారు. ఈ సందర్భంగా ఆయన మాట్లాడుతూ పల్లె ప్రజలకు మెరుగైన సదుపాయాల కల్పనకు తన వంతు కృషి చేస్తున్నానన్నారు. 317 జీవోతో రాష్ట్రంలోని 13 జిల్లాల ఉద్యోగులకు కలుగుతున్న ఇబ్బందులను దృష్టిలో పెట్టుకొని ప్రభుత్వం సానుకూల నిర్ణయం తీసుకోవాలన్నారు. ఎంపీ కొత్త ప్రభాకర్‌రెడ్డి తన ఉనికిని కాపాడకోవడానికి తనపై ఆరోపణలు చేస్తున్నారని మండిపడ్డారు. పద్మశాలిగడ్డలో నూతనంగా నిర్మిస్తున్న పోచమ్మ దేవాలయ నిర్మాణానికి భూమి పూజ నిర్వహించారు. బల్వంతాపూర్‌ గ్రామంలో ముదిరాజ్‌ సంఘం ఆధ్వర్యంలో నిర్వహిస్తున్న పెద్దమ్మ పండగ సందర్భంగా ఆలయాన్ని సందర్శించారు. సర్పంచి పారుపల్లి సంధ్య, మిరుదొడ్డి మండలాధ్యక్షుడు దేవరాజు తదితరులు పాల్గొన్నారు.