సీబీఐ విచారణతోనే నిరుద్యోగులకు న్యాయం: భాజపా

నిరసన దీక్షలో పాల్గొన్న భాజపా నాయకులు

సంగారెడ్డి అర్బన్‌, నారాయణఖేడ్‌: టీఎస్‌పీఎస్సీ ప్రశ్నపత్రం లీకేజీ వ్యవహారాన్ని సీబీఐకి అప్పగిస్తేనే నిరుద్యోగులకు న్యాయం జరుగుతుందని భాజపా రాష్ట్ర కార్యవర్గ సభ్యుడు రాజేశ్వర్‌రావు దేశ్‌పాండే డిమాండ్‌ చేశారు. సోమవారం సంగారెడ్డి కొత్త బస్టాండ్‌ సమీపంలో ‘మా నౌకర్లు.. మాగ్గావాలే’ పేరిట నిరసన దీక్ష చేపట్టారు. ఈ సందర్భంగా ఆయన మాట్లాడుతూ.. సీఎం కేసీఆర్‌, ఐటీశాఖ మంత్రి కేటీఆర్‌ నిరంకుశ పాలన అవినీతి, అక్రమాలకు నిలయంగా మారిందని ఆరోపించారు. నిరసనలో రాష్ట్ర కార్యవర్గ సభ్యులు విష్ణువర్ధన్‌రెడ్డి, కె.జగన్‌, డాక్టర్‌ రాజుగౌడ్‌, జిల్లా ప్రధాన కార్యదర్శి హన్మంత్‌రెడ్డి, అసెంబ్లీ కన్వీనర్‌ పోచారం రాములు పాల్గొన్నారు. టీఎస్‌పీˆఎసీˆ్స ప్రశ్నపత్రాల లీకేజీకి మంత్రి కేటీఆర్‌ బాధ్యత వహించాల్సిందేనని భాజపా రాష్ట్ర అధికార ప్రతినిధి జన్‌వాడె సంగప్ప డిమాండ్‌ చేశారు. సోమవారం ఖేడ్‌ రాజీవ్‌కూడలి సమీపంలో నిరసన దీక్ష నిర్వహించారు. పార్టీ ఖేడ్‌ అసెంబ్లీ కన్వీనర్‌ రజనీకాంత్‌, సీˆనియర్‌ నాయకులు మారుతిరెడ్డి, సాయిరాం, సుధాకర్‌ పాల్గొన్నారు.