ఏడుపాయల అర్చకుడికి ఉగాది పురస్కారం

మంత్రులు ఇంద్రకరణ్‌రెడ్డి, మల్లారెడ్డి నుంచి పురస్కారం అందుకుంటున్న పార్థివశర్మ

పాపన్నపేట, న్యూస్‌టుడే: ఏడుపాయల వనదుర్గామాత ఆలయంలో అర్చకుడిగా విధులు నిర్వహించే రావికోటి పార్థివశర్మకు ప్రభుత్వం ఉగాది పురస్కారాన్ని అందజేసింది. బుధవారం హైదరాబాద్‌ రవీంద్రభారతిలో ఏర్పాటు చేసిన కార్యక్రమంలో దేవాదాయ, ధర్మాదాయ శాఖ మంత్రి ఇంద్రకరణ్‌రెడ్డి, కార్మికశాఖ మంత్రి మల్లారెడ్డి పురస్కారాన్ని అందజేశారు. కొడుపాకకు చెందిన ఆయన 2008నుంచి వనదుర్గా ఆలయంలో అర్చకుడిగా విధులు నిర్వహిస్తున్నారు. ఈ సందర్భంగా పాలకమండలి ఛైర్మన్‌ బాలాగౌడ్‌, ఈవో శ్రీనివాస్‌, ఆలయ సిబ్బంది, అర్చకులు ఆయనను అభినందించారు.