పరీక్షల సమయంలో ఒత్తిడికి గురికావొద్దు

హబ్షీపూర్‌ బీసీ గురుకులంలో విద్యార్థులతో కలిసి నిద్రిస్తున్న ఎమ్మెల్యే రఘునందన్‌రావు

దుబ్బాక: పరీక్షల సమయంలో విద్యార్థులు ఒత్తిడి, ఆందోళనకు గురి కావద్దని, ఆత్మవిశ్వాసంతో పదో తరగతి వార్షిక పరీక్షలకు సన్నద్ధం కావాలని ఎమ్మెల్యే రఘునందన్‌రావు అన్నారు. మంగళవారం రాత్రి మండలంలోని హబ్షీపూర్‌ శివారులో మహాత్మా జ్యోతిబా ఫులే వెనుకబడిన బాలుర సంక్షేమ గురుకుల పాఠశాలను తనిఖీ చేసి, రాత్రి విద్యార్థులతో వసతి గృహంలోనే ఎమ్మెల్యే నిద్రించారు. అనంతరం బుధవారం ఉదయం పదో తరగతి విద్యార్థులకు నిర్వహించిన స్టడీ అవర్‌లో పాల్గొని, సందేహాలను నివృత్తి చేశారు. వసతిగృహాల్లో నాణ్యమైన ఆహారం అందించాలని సిబ్బందిని కోరారు.