వైద్యారోగ్యశాఖలో బదిలీలపై ఇంటెలిజెన్స్‌ విభాగం ఆరా

సంగారెడ్డి అర్బన్‌: జిల్లా వైద్యారోగ్యశాఖలో బదిలీలు, డిప్యూటేషన్లు, ఉద్యోగాల భర్తీల విషయంలో అవినీతి తీరును ‘ఈనాడు’ వెలుగులోకి తీసుకొచ్చింది. ఈ నెల 23న ‘చేయి తడిపితే.. కోరుకున్న చోట పోస్టింగ్‌’ శీర్షికన ఇచ్చిన కథనానికి ఇంటెలిజెన్స్‌ విభాగం అధికారులు స్పందించారు. ఆ కార్యాలయంలో అవకÛతవకలపై వివరాలు సేకరిస్తున్నారు. జీవో 317కు వ్యతిరేకంగా ఇక్కడ ఉద్యోగం చేయడం సరికాదని.. సమగ్ర వివరాలతో ప్రభుత్వానికి నివేదిక అందజేస్తామని ఆ విభాగం పోలీసులు ‘న్యూస్‌టుడే’కు వివరించారు. సీనియర్‌ సహాయకుల వ్యవహారం తీరుకు నిరసనగా జిల్లా వైద్యారోగ్యశాఖ ఉద్యోగ సంఘం నాయకులు శుక్రవారం సమావేశం నిర్వహించారు. ఉన్నతాధికారులకు ఫిర్యాదు చేయాలని నిర్ణయం తీసుకున్నట్లుగా తెలిసింది.