మంత్రి జగదీశ్‌రెడ్డికి నిరసన సెగ

అనుముల‌: నాగార్జున సాగర్‌ ఉప ఎన్నిక ప్రచారంలో తెలంగాణ మంత్రి జగదీశ్‌రెడ్డికి నిరసన సెగ తగిలింది. అనుముల మండలం కొత్తపల్లిలో ఓ ప్రైవేటు ఉపాధ్యాయుడు నిరుద్యోగ భృతి, ఉద్యోగాలపై మంత్రి జగదీశ్‌రెడ్డిని నిలదీశారు. ప్రచారం ముందుకు సాగకుండా అడ్డుకున్నాడు. టీచర్‌ నిలదీతపై ఆగ్రహించిన మంత్రి ‘‘నీలాంటి వారిని చాలా మందిని చూశా. నీతో పాటు మీ నాయకులపై కఠినంగా వ్యవహరిస్తాం’’ అని హెచ్చరించారు. వెంటనే అప్రమత్తమైన పోలీసులు ప్రైవేటు టీచర్‌ను పక్కకు లాక్కెళ్లడంతో జగదీశ్‌రెడ్డి ప్రచార వాహనం ముందుకు సాగింది.