విద్యార్థులకు మానసిక వికాసం అవసరం: వీసీ

మాట్లాడుతున్న ఎంజీయూ వీసీ గోపాల్‌రెడ్డి

నల్గొండ టౌన్‌, న్యూస్‌టుడే: విద్యార్థులకు దేహదారుఢ్యంతో పాటు మానసిక వికాసం అవసరమని మహాత్మాగాంధీ విశ్వవిద్యాలయం ఉపకులపతి ఆచార్య గోపాల్‌రెడ్డి పేర్కొన్నారు. శనివారం ఎంజీయూలో నిర్వహించిన క్విట్‌ ఇండియా కార్యక్రమంలో పాల్గొని మాట్లాడారు. విద్యార్థులు చదువుతో పాటు క్రీడలు, యోగా వంటి వాటిలో శిక్షణ పొందాలని సూచించారు. క్రీడలు ఆడడం ద్వారా ఒత్తిడిని జయించవచ్చని తెలిపారు. అనంతరం విద్యార్థులచే యోగా ఆసనాలు వేయించారు. ఎంజీయూ ప్రిన్సిపల్‌ శ్రీలక్ష్మీ, అంజిరెడ్డి, ఆకుల రవి, వెంకటరమణారెడ్డి, యోగా గురువు శంకరయ్య, నాగేశ్వరరావు, సురేశ్‌రెడ్డి, జాన్‌పాల్‌, శేఖర్‌, తదితరులు పాల్గొన్నారు.