కోటిరెడ్డి గెలుపునకు కృషిచేయాలి: మంత్రి

మాట్లాడుతున్న మంత్రి జగదీశ్‌రెడ్ఢి వేదికపై ఎంపీ బడుగుల, ఎమ్మెల్సీ గుత్తా, ఎమ్మెల్యేలు భాస్కర్‌రావు, భగత్‌

మిర్యాలగూడ, న్యూస్‌టుడే: స్థానిక సంస్థల ఎమ్మెల్సీగా ఎంసీ కోటిరెడ్డిని భారీ మెజార్టీతో గెలిపించేందుకు స్థానిక సంస్థల ప్రతినిధులంతా కృషి చేయాలని మంత్రి జగదీశ్‌రెడ్డి కోరారు. మిర్యాలగూడలో ఆదివారం మిర్యాలగూడ, సాగర్‌ స్థానిక సంస్థల ప్రజాప్రతినిధులకు ఏర్పాటు చేసిన సమావేశంలో ఆయన పాల్గొని మాట్లాడారు. స్థానిక సంస్థల బలోపేతానికి తెరాస ప్రభుత్వం ఎంతో కృషిచేస్తుందని ఈ సందర్భంగా వివరించారు. సమావేశంలో రాజ్యసభ సభ్యుడు బడుగుల లింగయ్య యాదవ్‌, ఎమ్మెల్సీ గుత్తా సుఖేందర్‌రెడ్డి, ఎమ్మెల్యేలు నల్లమోతు భాస్కర్‌రావు, నోముల భగత్‌, మాజీ ఎమ్మెల్యే తిప్పన విజయసింహారెడ్డి, పుర అధ్యక్షుడు తిరునగరు భార్గవ, తదితరులు పాల్గొన్నారు.