ముమ్మరంగా గాలింపు.. లభించని ఆచూకీ

నదీ తీరంలో స్థానికులతో మాట్లాడుతున్న తహసీల్దారు నవీన్‌ చంద్ర తివారి, ఎస్సై రంజిత్‌రెడ్డి

చింతలపాలెం, న్యూస్‌టుడే: కృష్ణానదిలో చేపల వేటకు వెళ్లి గల్లంతైన ఇద్దరు యువకుల ఆచూకీ మంగళవారం రాత్రి వరకు లభ్యమవ్వలేదు. అడ్లూరుకు చెందిన చంద్రశేఖర్‌, శ్రీగోపిలు పడవపై సోమవారం ఉదయం నదిలోకి వెళ్లిన విషయం తెలిసిందే. ప్రమాదవశాత్తు నదిలో పడవ బోల్తా పడడంతో వీరు గల్లంతయ్యారు. వీరి కోసం మత్స్యకారులు, గజ ఈతగాళ్లతో రెండ్రోజులు గాలించినా ఫలితం దక్కలేదు. తహసీల్దారు నవీన్‌చంద్ర తివారి, ఎస్సై రంజిత్‌రెడ్డిలు సాయంత్రం వరకు గాలింపు చర్యలను పర్యవేక్షించారు. ఫలితం లేకపోవడంతో బుధవారం జాతీయ విపత్తుల నివారణ బృందాన్ని రప్పించనున్నట్లు వివరించారు.