ఖాళీ బిందెలతో నిరసన

ఖాళీ బిందెలతో నిరసన వ్యక్తం చేస్తున్న రవీంద్రనగర్‌వాసులు

మిర్యాలగూడ పట్టణం, న్యూస్‌టుడే: కాలనీలో నెలకొన్న తాగునీటి సమస్యలను తీర్చాలని డిమాండ్‌ చేస్తూ మిర్యాలగూడలోని రవీంద్రనగర్‌లో స్థానికులు ఖాళీ బిందెలతో రోడ్డుపై బుధవారం నిరసన వ్యక్తం చేశారు. నిరసనకు మద్దతు పలికిన సీపీఎం రెండో పట్టణ కార్యదర్శి బావండ్ల పాండు మాట్లాడుతూ.. కాలనీ ఏర్పడి ఏళ్లు గడుస్తున్నా నేటికీ తాగునీటి సౌకర్యం కల్పించకపోవడంతో స్థానికులు తీవ్ర ఇబ్బందులు పడుతున్నారన్నారు. తక్షణమే తాగునీటి సమస్యను పరిష్కరించాలని.. లేనిపక్షంలో పుర కార్యాలయాన్ని ముట్టడిస్తామన్నారు. కార్యక్రమంలో నంద్యాల వేణుధర్‌రెడ్డి, సుబ్బయ్య, కమలమ్మ, నాగరాజు, జానయ్య, నర్సయ్య పాల్గొన్నారు.