ప్రత్యామ్నాయ పంటలపై అవగాహన

దేవరకొండ, కొండమల్లేపల్లి, న్యూస్‌టుడే: దేవరకొండ వ్యవసాయశాఖ ఏడీఏగా వీరప్ప బుధవారం బాధ్యతలు స్వీకరించారు. ఈయన సిద్దిపేట నుంచి సాధారణ బదిలీలో భాగంగా ఇక్కడికి వచ్చారు. బాధ్యతలు స్వీకరించిన అనంతరం కొండమల్లేపల్లి ఏవో కార్యాలయంలో ఏవో, ఏఈవోలతో సమీక్షా సమావేశాన్ని నిర్వహించారు. మండలంలో రైతులు సాగు చేస్తున్న వివిధ రకాల పంటల నమోదు కార్యక్రమాన్ని వేగవంతం చేయాలని ఏడీఏ వీరప్ప సూచించారు. మండలంలో గల రైతుల, వారు సాగు చేసే పంటలను అడిగి తెలుసుకున్నారు. రైతులకు చేరువగా ఉంటూ సాగులో సలహాలు, సూచనలివ్వాలని తెలిపారు. వరికి బదులుగా ప్రత్యామ్నాయ పంటలపై రైతులకు అవగాహన కల్పించాలన్నారు. సమావేశంలో ఏవో విజయ్‌రెడ్డి, ఏఈవోలు సర్దార్‌, సురేష్‌, అనంతలక్ష్మి పాల్గొన్నారు.