మరోసారి సర్పంచి సస్పెన్షన్‌

నార్కట్‌పల్లి గ్రామీణం, న్యూస్‌టుడే: నార్కట్‌పల్లి సర్పంచి దూదిమెట్ల స్రవంతిని గ్రామ పంచాయతీ నిధులు దుర్వినియోగం చేసిన కారణంగా సస్పెండ్‌ చూస్తూ కలెక్టర్‌ ప్రశాంత్‌ జీవన్‌ పాటిల్‌ ఉత్తర్వులు జారీ చేశారు. గత నెల డిసెంబర్‌ 2న ఇదే విషయమై డీపీవో విష్ణువర్ధన్‌రెడ్డి సర్పంచిని సస్పెండ్‌ చేయడంతో ఆమె హైకోర్టును ఆశ్రయించారు. న్యాయస్థానం స్టే ఉత్తర్వులు జారీ చేయడంతో అదే నెల 25న కలెక్టర్‌ ఆదేశాల మేరకు బాధ్యతలు స్వీకరించారు. నేటికి గ్రామ పంచాయతీ నిధులు దుర్వినియోగంపై సక్రమంగా నివేదిక ఇవ్వకపోవడంతో రెండోసారి సస్పెండ్‌ చేసినట్లు ఉత్తర్వులో తెలిపారు.