బెస్ట్‌ ఎలక్ట్రోరల్‌ ప్రాక్టీస్‌ అవార్డుకు కలెక్టర్‌ ఎంపిక

నల్గొండ కలెక్టరేట్‌, న్యూస్‌టుడే: కలెక్టర్‌ ప్రశాంత్‌ జీవన్‌ పాటిల్‌ 2021 బెస్ట్‌ ఎలక్ట్రోరల్‌ ప్రాక్టీస్‌ అవార్డుకు ఎంపికయ్యారు. ఎన్నికల నిర్వహణలో ఉత్తమ ప్రతిభ కనబరిచినందుకు కలెక్టర్‌కు ప్రత్యేక గుర్తింపు లభించింది. ఎన్నికల నిర్వహణలో విశేష కృషి చేసిన అధికారులను రాష్ట్ర ఎన్నికల సంఘం గుర్తించి గౌరవించే అవార్డుకు కలెక్టర్‌ను ఎంపికచేసింది. జాతీయ ఓటరు దినోత్సవం సందర్భంగా ఉత్తమ ఎలక్ట్రోరల్‌ ప్రాక్టీస్‌ విభాగం కింద రాష్ట్ర అవార్డుకు ఎన్నికల సంఘం ఎంపిక చేసింది. ఈ మేరకు రాష్ట్ర ఎన్నికల ప్రధాన అధికారి శశాంక్‌ గోయల్‌ శుక్రవారం ఉత్తర్వులు జారీ చేశారు. మిర్యాలగూడ ఆర్డీవో బి.రోహిత్‌, నల్గొండ నాయబ్‌ తహసీల్దార్‌ ఎం.విజయ్‌కుమార్‌కు ప్రత్యేక కేటగిరి అవార్డులను ప్రకటించారు.