కృష్ణమ్మ పరవళ్లు

విద్యుత్తు వెలుగు జిలుగుల్లో సాగర్‌ గేట్ల నుంచి నీటి పరవళ్లు

నాగార్జునసాగర్‌, న్యూస్‌టుడే: నాగార్జునసాగర్‌ జలాశయానికి ఎగువ నుంచి వరద నీటి రాకతో నిండుకుండలా మారింది. గురువారం ఉదయం  5.00 గంటలకు సాగర్‌ జలాశయానికి శ్రీశైలం నుంచి 4,72,708 క్యూసెక్కుల వరదనీరు రావడంతో ఉదయం 5:15 గంటలకు 12,13,14,15 గేట్ల ద్వారా నీటిని ప్రారంభించిన అధికారులు మధ్యాహ్నం వరకు 26 గేట్ల ద్వారా దిగువకు నీటిని విడుదల చేశారు. తొలుత గురువారం 6:30 గంటలకు గేట్ల ద్వారా నీటిని విడుదల చేయాలని నిర్ణయించిన ఎన్నెస్పీ అధికారులు ఉదయం 5.00 గంటల వరకే నీటిమట్టం గరిష్ఠ స్థాయికి చేరడంతో అధికారులు 5:15 గంటలకు నీటిని విడుదల చేశారు.