ఆ పార్టీలకు గుణపాఠం చెప్పండి: విప్‌

మర్రిగూడలో మాట్లాడుతున్న ప్రభుత్వ విప్‌ బాల్క సుమన్‌

నాంపల్లి, మర్రిగూడ, న్యూస్‌టుడే: దళితుల సంక్షేమనికి ముఖ్యమంత్రి కేసీఆర్‌ కృషి చేస్తున్నారని ప్రభుత్వ విప్‌ బాల్క సుమన్‌ అన్నారు. మర్రిగూడ మండల కేంద్రంలో ఆదివారం నిర్వహించిన కార్యకర్తల సమావేశంలో ఆయన మాట్లాడారు. మండల కేంద్రంలో దళితవాడలో సోమవారం నిర్వహించే సహపంక్తి భోజన ఏర్పాట్లను పరిశీలించారు. మునుగోడు ఉప ఎన్నికలో కాంగ్రెస్‌, భాజపాలకు గుణపాఠం చెప్పాలన్నారు. తెరాస అభ్యర్థి గెలుపునకు కార్యకర్తలు సైనికుల్లా పనిచేయాలని సూచించారు. కార్యక్రమంలో నకిరేకల్‌ ఎమ్మెల్యే చిరుమర్తి లింగయ్య, ఎంపీపీ మెండు మోహన్‌రెడ్డి, దళితబంధు జిల్లా కమిటీ సభ్యుడు లపంగి నర్సింహ, తెరాస మండల అధ్యక్షుడు తోటకూరి శంకర్‌, వర్కాల వెంకటేశ్‌, ఊరుపక్క నగేశ్‌, భిక్షం, తదితరులు పాల్గొన్నారు.