నిధుల మంజూరుకు మంత్రికి వినతి

కోదాడలో నూతన భవన నిర్మాణానికి నిధులు మంజూరు చేయాలని మంత్రి జగదీశ్‌రెడ్డి దృష్టికి తీసుకెళ్తున్న న్యాయవాదులు, చిత్రంలో ఎమ్మెల్యే బొల్లం మల్లయ్యయాదవ్‌

కోదాడ, న్యూస్‌టుడే: కోదాడ కోర్టుకు నిధులు మంజూరు చేయాలని బార్‌ అసోసియేషన్‌ అధ్యక్షుడు దేవబత్తిని నాగార్జున అన్నారు. సోమవారం సూర్యాపేటలో స్థానిక ఎమ్మెల్యే బొల్లం మల్లయ్యయాదవ్‌తో కలిసి పలు సమస్యలపై మంత్రి జగదీశ్‌రెడ్డికి వినతి పత్రం అందజేసి మాట్లాడారు. నిత్యం కోర్టు పనుల నిమిత్తం వచ్చే ప్రజలకు సౌకర్యాలు లేకపోవడంతో ఇబ్బందులకు గురవుతున్నారని తెలిపారు. మంత్రి మాట్లాడుతూ నూతన భవన నిర్మాణానికి నిధుల మంజూరుకు కృషి చేస్తానని హామీ ఇచ్చారు. ఈ కార్యక్రమంలో బార్‌ అసోసియేషన్‌ ఉపాధ్యక్షుడు అబ్దుల్‌ రహీం, ప్రధాన కార్యదర్శి సిలివేరు వెంకటేశ్వర్లు, న్యాయవాదులు పాల్గొన్నారు.