తలో చెయ్యేసి.. దారేసి..!

కొలనుపాక- పటేలుగూడెం రహదారిలోని వాగుపై రైతులు తాత్కాలికంగా రహదారిని ఏర్పాటు చేసుకున్నారు. ఆగస్టులో వర్షాలకు వాగులో నీటి ప్రవాహ ఉద్ధృతికి సిమెంట్‌ పైపులు, మొరం మట్టితో ఉన్న రహదారి కొట్టుకు పోయింది. దీంతో నాలుగు నెలలుగా ఈ మార్గంలో రాకపోకలకు ఆటంకం ఏర్పడింది. రెండు గ్రామాలకు చెందిన రెండు వందల మంది రైతులు 2 కి.మీ చుట్టూ తిరిగి ఇతర రైతుల భూముల మీదుగా వ్యవసాయ బావులు, పొలాల వద్దకు వెళ్లాల్సి వచ్చింది. పంట కోతల సమయంలో హార్వెస్టర్లు, ట్రాక్టర్లు పంట చేల వద్దకు రాలేని పరిస్థితి నెలకొనడంతో రైతులు ఇబ్బందులకు గురయ్యారు. అధికారులకు వినతులు అందజేసినా ఫలితం లేకపోయింది. దీంతో సమావేశమైన రైతులు తలా కొంత ఇచ్చిన నగదు రూ.35 వేలతో వాగుపై దారిని ఏర్పాటు చేసుకున్నారు.              

-  ఆలేరు, న్యూస్‌టుడే