భువనగిరిలో చోరీ

భువనగిరి : భువనగిరి పట్టణం కిసాన్ నగర్‌లో అర్ధరాత్రి తర్వాత చోరీ జరిగింది. ఓ ఇంటి తాళాలు పగులగొట్టి చోరీకి పాల్పడ్డారు. వివరాల్లోకి వెళితే.. కిసాన్‌నగర్‌లో నివాసం ఉండే చందు అనే వ్యక్తి రెండు రోజుల క్రితం స్వగ్రామమైన యాదగిరిగుట్టకు వెళ్లారు. ఇంట్లో ఎవరూ లేకపోవడంతో గుర్తు తెలియని వ్యక్తులు తాళాలు పగలగొట్టి 7 తులాల బంగారు ఆభరణాలు అపహరించారు. ఈ రోజు ఉదయం చందు ఇంటి తలుపులు తెరచి ఉండటాన్ని గమనించిన స్థానికులు ఆయనకు సమాచారం అందించారు. ఇంటికి చేరుకున్న చందు తన ఇంట్లో చోరీ జరిగిందని పోలీసులకు ఫిర్యాదు చేశాడు.