ప్రణాళిక ద్వారానే జిల్లా అభివృద్ధి: బండా

మాట్లాడుతున్న జడ్పీ ఛైర్మన్‌ బండా నరేందర్‌రెడ్డి

నల్గొండ అర్బన్‌, న్యూస్‌టుడే: కేంద్ర, రాష్ట్ర ప్రభుత్వాలు ప్రవేశపెడుతున్న నిధులు ప్రణాళికా బద్ధంగా ఖర్చు చేస్తే సమగ్ర అభివృద్ధి జరుగుతుందని జడ్పీ ఛైర్మన్‌ బండా నరేందర్‌రెడ్డి అన్నారు. జిల్లా కేంద్రంలోని జడ్పీ సమావేశ మందిరంలో సోమవారం నిర్వహించిన 15వ ఆర్థిక సంఘం 2023-24 ఏడాదికి సంబంధించిన ప్రణాళిక రచన సమావేశంలో ఆయన మాట్లాడారు. సమస్యలు ఉన్న ప్రాంతాలను గుర్తించి అభివృద్ధి పనులను ఎంపిక చేసే విధంగా ప్రణాళిక ఉండాలని సూచించారు. జడ్పీ సీఈవో ప్రేమ్‌ కరణ్‌ రెడ్డి, డిప్యూటీ సీఈవో కాంతమ్మ, డీపీవో విష్ణువర్ధన్‌, ప్రాదేశిక నియోజక వర్గ సభ్యులు తదితరులు పాల్గొన్నారు.