మద్యం పాలసీ విధానాలపై ప్రభుత్వాలు ఆలోచించాలి: గవర్నర్‌ దత్తాత్రేయ

కేతేపల్లిలో మాట్లాడుతున్న హరియాణా గవర్నర్‌ బండారు దత్తాత్రేయ

కేతేపల్లి, న్యూస్‌టుడే: రెండు తెలుగు రాష్ట్రాలలో మాదక ద్రవ్యాలు, మద్యం యువతను పట్టి పీడిస్తున్నాయని హరియాణా గవర్నర్‌ బండారు దత్తాత్రేయ పేర్కొన్నారు. భద్రాచలంలో గురువారం జరిగిన శ్రీరామనవమికి హాజరై తిరిగి హైదరాబాద్‌ వెళుతున్న ఆయన కేతేపల్లిలో కొద్దిసేపు ఆగారు. విలేకరులతో మాట్లాడుతూ మత్తు పదార్థాలతో విశ్వవిద్యాలయాలు, కళాశాలల్లో ఉన్నత విద్య చదువుతున్న యువత పెడదోవ పడుతున్నారని పేర్కొన్నారు. యువతను గాడిలోపెట్టి నడిపించాల్సిన బాధ్యత పాలక ప్రభుత్వాలపై ఉందన్నారు. మద్యం పాలసీ విధానాలలో రాష్ట్ర ప్రభుత్వాలు ఆలోచించాలని సూచించారు. భాజపా జిల్లా అధ్యక్షుడు కంకణాల శ్రీధర్‌రెడ్డి, కార్యదర్శి అయితగోని అనిత పాల్గొన్నారు.