నారసింహుడికి స్వాతి నక్షత్ర ఆరాధనలు

కల్యాణమూర్తులు

యాదగిరిగుట్ట, న్యూస్‌టుడే: యాదాద్రి మహాదివ్య పుణ్యక్షేత్రంలో స్వాతి నక్షత్రం సందర్భంగా అష్టోత్తర శతఘటాభిషేకం నిర్వహించారు. అనుబంధంగా కొనసాగుతున్న పాతగుట్ట ఆలయంలోనూ ఈ విశేష పర్వాన్ని చేపట్టారు. ఆలయ దేవుడైన నారసింహుడి జన్మ నక్షత్రం స్వాతి కావడంతో గర్భగుళ్లోని స్వయంభువులకు ఈ ప్రత్యేక అభిషేకం వేద, మంత్రపఠనాల మధ్య చేపట్టారు. వేకువజామున సుప్రభాతం నిర్వహించాక ఆస్థాన పరక్రతువులను జరిపి, అభిషేకం జరిపారు. తొలుత కలశ ఆరాధనలు జరిపారు. ప్రధాన కలశంతో గర్భగుడి చుట్టూ ప్రదక్షిణ చేశారు. పంచనారసింహుల ఆలయంలో నిత్య కల్యాణోత్సవాన్ని ఆలయ ఆచారంగా చేపట్టారు. ఆలయ మహాముఖ మండపంలో అష్టోత్తరం, స్వర్ణ పుష్పార్చన నిర్వహించారు. రాత్రి స్వాతి సేవా పర్వాన్ని చేపట్టారు. స్వాతి నక్షత్రం సందర్భంగా చేపట్టిన అష్టోత్తర శతఘటాభిషేకంలో ఆల య వంశంపారంపర్య ధర్మకర్త నరసింహమూర్తి దంపతులు, పేష్కార్‌ రఘు, పర్యవేక్షకుడు నరేశ్‌ పాల్గొన్నారు.