ఉద్యోగుల మనోభావాలకు వ్యతిరేకం

రిలే దీక్షలో ఉద్యోగులు

నెల్లూరు(కలెక్టరేట్‌), న్యూస్‌టుడే : ప్రభుత్వం ప్రకటించిన అశాస్త్రీయ పీఆర్సీలోని జీవోలకు వ్యతిరేకంగా, కోల్పోయిన రాయితీలు తిరిగి సాధించుకునేంత వరకు పోరాటం కొనసాగిస్తామని పీఆర్సీ సాధన సమతి జిల్లా ఛైర్మన్లు మన్నేపల్లి పెంచలరావు, అల్లంపాటి పెంచలరెడ్డి, ఏనుగ రమణారెడ్డి, చేజర్ల సుధాకర్‌రావు స్పష్టం చేశారు. దశల వారీ ఆందోళనల్లో భాగంగా గురువారం కలెక్టరేట్‌ ఎదుట రిలే దీక్ష చేపట్టారు. ఈ సందర్భంగా వారు మాట్లాడుతూ 11వ పీఆర్సీలోని అంశాలు ఉద్యోగుల మనోభావాలు దెబ్బతినేలా ఉన్నాయన్నారు. ప్రభుత్వం తమ న్యాయమైన డిమాండ్లు పరిష్కరించకుంటే ఫిబ్రవరి ఏడో తేదీ నుంచి సమ్మెలోకి వెళతామన్నారు. కార్యక్రమంలో ఫ్యాప్టో ఛైర్మన్‌ మురళీధర్‌, వివిధ సంఘాల నాయకులు వెంకటస్వామి, చెంచురామయ్య, మల్లికార్జున, డి.రమణారెడ్డి, రవీంద్రబాబు, విజయకుమార్‌, జె.వెంకటేశ్వర్లు, వీవీ శేషులు, కిరణ్‌కుమార్‌, ఎ.సురేంద్రరెడ్డి, ఎన్‌.దశరథరాములు, సీహెచ్‌వీ సుబ్బారెడ్డి, రాజమనోహర్‌, గిరిధర్‌, రాజగోపాలచార్యులు, మధుసూదన్‌ నారాయణరావు, లక్ష్మీనారాయణ, స్వర్ణలత, చిన్నమ్మ, సౌందర్య పాల్గొన్నారు.