తగునా ఇలా..!

టిడ్కో అపార్టుమెంట్ల వద్ద బారులు తీరిన మహిళలు

నాయుడుపేట పురపాలక సంఘం బిరదవాడ ఎదురుగా చేపట్టిన టిడ్కో ఇళ్ల వద్ద గురువారం కనిపించిందీ దృశ్యం. ఇక్కడ గతంలో 2740 ఇళ్ల నిర్మాణం చేపట్టారు. వీటిలో 600 వరకు పునాదుల దశలో ఆగాయి. మిగిలినవి పూర్తయ్యాయి. లబ్ధిదారులకు కేటాయింపులు జరిపారు. ఆ క్రమంలోనే లబ్ధిదారుల ఆధార్‌ కార్డులను జియోట్యాగ్‌ చేయాలంటూ.. సచివాలయ ఉద్యోగులు మహిళలను అపార్ట్‌మెంట్‌ వద్దకు రమ్మన్నారు. సాయంత్రం వరకు ప్రక్రియ కొనసాగగా.. కొవిడ్‌ నిబంధనలు పట్టించుకోకుండా ప్రజలు ఇలా పెద్ద సంఖ్యలో వచ్చి నిల్చున్నారు. ఈ విషయమై కమిషనర్‌ ఎల్‌.చంద్రశేఖర్‌రెడ్డిని వివరణ కోరగా.. కరోనా నిబంధనలు పాటిస్తూనే జియో ట్యాగింగ్‌ చేశామని చెప్పడం గమనార్హం. - న్యూస్‌టుడే, నాయుడుపేట పట్టణం