రేపు స్వర్ణభారత్‌ ట్రస్టు ప్రతిభా పురస్కారాల ప్రదానం

వెంకటాచలం : వెంకటాచలంలోని స్వర్ణభారత్‌ ట్రస్టు ఆధ్వర్యంలో ఈ ఏడాది పదో తరగతిలో మంచి మార్కులు సాధించిన విద్యార్థులకు మంగళవారం ట్రస్టులో ప్రతిభా పురస్కారాలు అందజేయనున్నట్లు సమన్వయకర్త జనార్దన్‌రాజు తెలిపారు. మొత్తంగా జిల్లా వ్యాప్తంగా 64మంది విద్యార్థులను పురస్కారాలకు ఎంపిక చేసినట్లు ఆయన తెలిపారు. ఉదయం 10గంటలకు వెంకటాచలంలోని ట్రస్టులో జరిగే ఈ కార్యక్రమానికి భారత మాజీ ఉపరాష్ట్రపతి ముప్పవరపు వెంకయ్యనాయుడు, లోక్‌సభ సభాపతి ఓం బిర్లా, స్వర్ణభారత్‌ మేనేజింగ్‌ ట్రస్టీ దీపా వెంకట్ హాజరై విద్యార్థులకు పురస్కారాలు అందజేయనున్నట్లు వెల్లడించారు.