పాఠశాలలో కాలం చెల్లిన చిక్కీలు

దుత్తలూరు, న్యూస్‌టుడే: నర్రవాడ ఉన్నత పాఠశాలను శుక్రవారం వినియోగదారుల ఫోరం సభ్యులు సందర్శించగా - కాలం చెల్లిన వేరుసెనగ చిక్కీలు వెలుగుచూశాయి. మార్చి నెలలో తయారుచేసినట్లు ముద్రించి ఉన్న ప్యాకెట్లు ఉన్నాయి. 60 రోజుల్లో మాత్రమే అందించాల్సిన ప్యాకెట్లు గడువు ముగిసిన తరువాత పాఠశాలలో ప్రత్యక్షమవడంతో విద్యార్థుల తల్లిదండ్రులు ఆందోళన వ్యక్తం చేశారు. దీనిపై ఇన్‌ఛార్జి ఎంఈవో బాలకృష్ణారెడ్డిని ‘న్యూస్‌టుడే’ వివరణ కోరగా కాలం చెల్లిన చిక్కీల విషయం నా దృష్టికి రాలేదన్నారు. శనివారం పాఠశాలకు వెళ్లి పరిశీలించి చర్యలు తీసుకుంటామన్నారు.