వైజ్ఞానిక ప్రదర్శనను విజయవంతం చేయాలి

మాట్లాడుతున్న ఉపవిద్యాశాఖాధికారి బిక్షాల్‌

నెల్లూరు (విద్య), న్యూస్‌టుడే : జిల్లాస్థాయిలో జరిగే వైజ్ఞానిక ప్రదర్శనను విజయవంతం చేయాలని నెల్లూరు ఉపవిద్యాశాఖాధికారి బిక్షాల్‌ కోరారు. బుధవారం నగరంలోని దర్గామిట్ట బాలికల ఉన్నత పాఠశాలలో సైన్సు ఉపాధ్యాయులు, నిర్వహణ కమిటీ సభ్యులతో ఆయన సమీక్షించారు. ఈ సందర్భంగా మాట్లాడుతూ ఈనెల 28న నగరంలోని దర్గామిట్ట బాలికల ఉన్నత పాఠశాలలో జిల్లాస్థాయి పోటీలు నిర్వహిస్తున్నామన్నారు. నిర్వహణకు 14 కమిటీలను నియమించామని, వీటి ప్రతినిధులు తమ విధులను పక్కాగా నిర్వహించాలని సూచించారు. మొత్తం 190 ప్రాజెక్టులు ప్రదర్శనకు వస్తాయన్నారు. కార్యక్రమంలో నిర్వహణ కమిటీ సభ్యులు, సైన్సు ఉపాధ్యాయులు పాల్గొన్నారు.