ఎంతైనా ఎంపీ కారు కదా!

- న్యూస్‌టుడే, కావలి

ఆయన రాజ్యసభ సభ్యుడు. కావలి వాస్తవ్యులు కావడంతో స్థానికంగా జరిగే కార్యక్రమాల్లో పాల్గొంటూఉంటారు. గురువారం పట్టణంలోని రైల్వే వీధికి వచ్చారు. ఆ వీధిలో  సాధారణంగానే వాహన రాకపోకలతో రద్దీగా ఉంటుంది. అలాంటి సందులోకి ఆయన వాహనం వచ్చింది. అదే సమయంలో 108 వాహనం కూడా వచ్చింది. సైరన్‌ మోగించినా, ఆ ఎంపీ కారు కదల్లేదు. పోలీసులు కాస్త పక్కకు తప్పించాలనే ప్రయత్నం చేశారు. వీలు కాలేదు. ఎట్టకేలకు ఆ ప్రజాప్రతినిధి వచ్చారు. కారులో ఎక్కాక కూడా పలువురిని పలకరిస్తూ వెళ్లారు. అప్పటివరకు 108 వాహనం ఆగక తప్పలేదు.