సమాజంలో మంచి పౌరులుగా జీవించండి

నెల్లూరు (నేర విభాగం), న్యూస్‌టుడే : సమాజంలో మంచి పౌరులుగా జీవించాలని జైలు నుంచి విడుదలైన ముగ్గురు ఖైదీలకు కేంద్ర కారాగార సూపరింటెండెంట్‌ రాజేశ్వరరావు సూచించారు. గణతంత్ర దినోత్సవం సందర్భంగా గురువారం కేంద్ర కారాగారంలో కలతూరు వెంకటేష్‌ అలియాజ్‌ కర్రి, ఆవుల శ్రీధర్‌, కైలాసం రాజారెడ్డి అలియాజ్‌ రాజా అలియాజ్‌ జిలానీ విడుదలయ్యారు. ఈ సందర్భంగా సూపరింటెండెంట్‌ మాట్లాడుతూ రాష్ట్ర ప్రభుత్వం ప్రసాదించిన ఖైదీ క్షమాభిక్షలో భాగంగా జీవితేతర ఖైదీలు విడుదలయ్యారు. గణతంత్ర దినోత్సవం సందర్భంగా జాతీయ జెండాను సూపరింటెండెంట్‌ ఆవిష్కరించారు. కార్యక్రమంలో అదనపు సూపరింటెండెంట్‌ ఎం.మహేష్‌ బాబు, డిప్యూటీ సూపరింటెండెంట్‌ ఏబీ కాంతరాజ్‌, వైద్యాధికారులు, జైలర్లు, సిబ్బంది పాల్గొన్నారు.