ఘర్షణలో వ్యక్తి మృతి

వలేటివారిపాలెం, న్యూస్‌టుడే: మండల పరిధి అయ్యవారిపల్ల్లె గ్రామంలో పొలం విషయంలో తలెత్తిన ఘర్షణ నేపథ్యంలో నలుగురు దాడి చేయడంతో ఒక వ్యక్తి మృతి చెందారు. ఎస్సై సుదర్శన్‌ తెలిపిన వివరాల మేరకు గ్రామానికి చెందిన మల్లెబోయిన అంజయ్య, అదే గ్రామానికి చెందిన డేగా వేణు, డేగా శివరామయ్య, డేగా అయ్యన్న, డబ్బుగొట్టు మహేష్‌ల మధ్య పొలం విషయంలో గత పది సంవత్సరాలుగా వివాదం ఉంది. ఈ నేపథ్యంలో అంజయ్య(55) గురువారం బస్టాండు నుంచి ఇంటికి వెళుతుండగా ఆ నలుగురూ దాడికి పాల్పడ్డారు. ఆపై గొంతుపిసికి, తలపై బాదుతూ నెట్టారు. దీంతో అంజయ్య రోడ్డుపైనే మృతి చెందారని మృతుని భార్య ధనమ్మ ఫిర్యాదు చేశారని ఎస్సై పేర్కొన్నారు. ఫిర్యాదు మేరకు కేసు నమోదు చేసినట్లు తెలిపారు.