ఉగాది నాటికి గృహ ప్రవేశాలు పూర్తవ్వాలి

వివరాలు తెలుసుకుంటున్న నుడా వైస్‌ ఛైౖర్మన్‌ బాపిరెడ్డి

జలదంకి, న్యూస్‌టుడే: నవరత్నాలు పేదలందరికీ ఇళ్లు పథకంలో భాగంగా నుడా పరిధిలో ఉన్న మండలంలోని జమ్మలపాలెంలో లబ్ధిదారులకు మంజూరైన పక్కా గృహాలు త్వరితగతిన పూర్తి చేసుకునేలా అధికారులు చర్యలు తీసుకోవాలని నుడా వైస్‌ ఛైర్మన్‌ టి.బాపిరెడ్డి సూచించారు. శనివారం జమ్మలపాలెంలో నూతన లేఅవుట్‌లో నిర్మిస్తున్న పక్కా గృహాల నిర్మాణాలను ఆయన పరిశీలించారు. ఇళ్లు మంజూరైన లబ్ధిదారులు ఉగాది నాటికి గృహ ప్రవేశాలు పూర్తి చేసి, సొంతింటి కలను నెరవేర్చుకునేలా చూడాలని అధికారులకు తెలిపారు. ఎంపీడీవో శ్రీధర్‌బాబు, హౌసింగ్‌ డీఈ శ్రీనివాసులు, ఏఈ ప్రసాద్‌, సర్పంచి బుర్రి శ్రీవేణి, విద్యుత్తు, నీటి సరఫరా విభాగం ఏఈలు చంద్రశేఖర్‌, సతీష్‌బాబు పాల్గొన్నారు.