వైభవం.. సప్తవాహనోత్సవం

కొండబిట్రగుంటలో ప్రసన్న వేంకటేశ్వరుడికి దీపోత్సవం

రథ సప్తమి శోభతో శనివారం ఆలయాలు కళకళలాడగా- సప్త వాహనాలపై కొలువైన దేవదేవుని దర్శించుకుని భక్తులు ఆధ్యాత్మిక తన్మయత్వం పొందారు. నెల్లూరు రంగనాయకులపేటలోని శ్రీరంగనాథ స్వామి దేవస్థానంలో ఉదయం నుంచి మధ్యాహ్నం వరకు సూర్యప్రభ, గరుడ, సింహ, హంస వాహన సేవలు నిర్వహించారు. మధ్యాహ్నం బంగారు తిరుచ్చి, సాయంత్రం పెద్ద శేషవాహనం, రాత్రి చంద్రప్రభ వాహన సేవలు జరిగాయి. శ్రీదేవి భూదేవి సమేత రంగనాథుని స్నపన తిరుమంజనాన్ని ప్రధానార్చకులు కిడాంబి జగన్నాథాచార్యులు శాస్త్రోక్తంగా నిర్వహించారు. పెంచలకోన, కొండ బిట్రగుంటలోనూ రథ సప్తమి వేడుకలు కనుల పండువగా సాగాయి. నెల్లూరు మూలాపేటలోని ద్రౌపతీ సమేత శ్రీకృష్ణ ధర్మరాజ స్వామి, రుక్మిణీసత్యభామ సమేత వేణుగోపాలస్వామి, బాలాజీ నగర్‌ సీతారామ మందిరంలో వైభవంగా వేడుకలు జరిగాయి.

న్యూస్‌టుడే, నెల్లూరు(సాంస్కృతికం)

సూర్యప్రభపై రంగనాథస్వామి..

చంద్రప్రభ వాహన సేవ