Nellore: అల్లుడికి కలకాలం గుర్తుండిపోయేలా.. 108 రకాలతో పసందైన విందు

న్యూస్‌టుడే, పొదలకూరు: కొత్త అల్లుడా.. మజాకా! కలకాలం గుర్తుండేలా పసందైన విందు ఇచ్చారు అత్తింటివారు. తొలిసారిగా ఇంటికి వచ్చిన అల్లుడికి 108 రకాల వంటలు చేసి వడ్డించిన వైనం పొదలకూరు మండలం ఊచపల్లిలో చోటుచేసుకుంది. ఊసా శివకుమార్‌, శ్రీదేవమ్మ దంపతులు తమ కుమార్తె శ్రీవాణిని.. నెల్లూరులోని బీవీనగర్‌ చెందిన ఇమ్మడిశెట్టి శివకుమార్‌కు ఇచ్చి ఇటీవల వివాహం చేశారు. మామ శివకుమార్‌ కండలేరు పోలీసుస్టేషన్లో హోంగార్డు. ఇంటికి వచ్చిన అల్లుడికి ఘుమఘుమలాడే 108 రకాల వంటలు తయారు చేయించి వడ్డించారు. ఇందులో చికెన్‌, మటన్‌, చేప, రొయ్యలు.. శాకాహారం, రసం, సాంబారు, పెరుగు, వివిధ రకాల పిండివంటలు, మిఠాయిలున్నాయి. ఈ వినూత్న ఆచారం చుట్టుపక్కల గ్రామాల్లో చర్చనీయాంశమైంది.