logo

ఒక్క ఛాన్స్‌ అంటే.. రొంపిలోకి దించారు

వెండితెరపై ‘ఒక్క ఛాన్స్‌’ కోసం ఏళ్లుగా ఎదురుచూస్తున్న మోడళ్లు, యువతులకు అవకాశాల ఆశ చూపి వ్యభిచార కూపంలోకి దించుతున్న ఇద్దరు నిందితులు పోలీసులకు చిక్కారు.

Updated : 05 Feb 2023 13:16 IST

ఈనాడు - హైదరాబాద్‌: వెండితెరపై ‘ఒక్క ఛాన్స్‌’ కోసం ఏళ్లుగా ఎదురుచూస్తున్న మోడళ్లు, యువతులకు అవకాశాల ఆశ చూపి వ్యభిచార కూపంలోకి దించుతున్న ఇద్దరు నిందితులు పోలీసులకు చిక్కారు. అంతర్జాతీయ వ్యభిచార ముఠా కేసులో సైబరాబాద్‌ మానవ అక్రమ రవాణా విభాగం అధికారులు తాజాగా ఈ ఇద్దర్నీ అరెస్టు చేశారు. వీరి నుంచి ఐదు చరవాణులు, పాస్‌పోర్టు, ఆధార్‌, పాన్‌కార్డులు, 10 డెబిట్‌, క్రెడిట్‌ కార్డులు స్వాధీనం చేసుకున్నారు. సైబరాబాద్‌ కమిషనర్‌ స్టీఫెన్‌ రవీంద్ర, మానవ అక్రమ రవాణా విభాగం డీసీపీ కవిత ధార  వివరాలు తెలిపారు. ఇందులో ఒకరు నెల్లూరు జిల్లావాసి.

నిందితుడు అసిస్టెంట్‌ డైరెక్టర్‌ : నెల్లూరు జిల్లా కావలికి చెందిన బోయిన సురేశ్‌(32) అలియాస్‌ కుమార్‌ శెట్టి అలియాస్‌ కరణ్‌ అలియాస్‌ సురేశ్‌ సిద్ధార్థ్‌ తెలుగు చిత్ర పరిశ్రమలో ప్రముఖ దర్శకుడి దగ్గర అసిస్టెంట్‌ డైరెక్టర్‌గా పనిచేస్తున్నాడు. ఇతనికి 2017 చిత్రపరిశ్రమలో నందు అనే వ్యక్తి పరిచయమయ్యాడు. వ్యభిచారం నిర్వహణలో తేలిగ్గా డబ్బు సంపాదించొచ్చని నందు ద్వారా తెలుసుకున్న సురేశ్‌.. సొంతంగా ఇల్లు అద్దెకు తీసుకొని వ్యాపారం ప్రారంభించాడు. మోడళ్లు, విటుల మధ్య అనుసంధానం కోసం కాల్‌సెంటర్‌ ఏర్పాటు చేశాడు. ఇప్పటి వరకు సుమారు 500 మందిని ఈ కూపంలోకి దించినట్లు పోలీసులు గుర్తించారు. సురేశ్‌ గోవాలోనూ ఈ వ్యాపారం ప్రారంభించాడు. పరారీలో ఉన్న నిందితుడిని ఇన్‌స్పెక్టర్‌ శ్రీనివాసులు బృందం అరెస్టు చేసింది.

Tags :

Trending

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని