నిల్వలు చూస్తే ‘తెల్ల’బోతారంతే..

ప్రభగిరిపట్నం సమీపంలో ఒక పొలంలో కంకర పగలగొడుతున్న కూలీలు

పొదలకూరు, న్యూస్‌టుడే: జిల్లాలో తెల్లరాయి దందాకు అడ్డుకట్ట పడటం లేదు. రాజకీయమే అండగా యథేచ్ఛగా కొండలను పిండి చేసి సొమ్ము చేసుకుంటున్నారు.  ఆ క్రమంలో రోడ్డు మార్గంలో  రవాణాకు వీలుగా తెల్ల కంకరను అక్రమంగా తరలించి నిల్వ చేస్తున్నారు. ప్రభగిరిపట్నం, నందివాయి, తాటిపర్తి, దుగ్గుంటలో నిల్వ కేంద్రాలు ఏర్పాటు చేసి.. బయటి ప్రాంతాల నుంచి పెద్ద పరిమాణంలోని రాళ్లును తెచ్చి కూలీలు, యంత్రాలతో పగలగొట్టిస్తున్నారు. ఆపై చెన్నై, కృష్ణపట్నం పోర్టుల ద్వారా విదేశాలకూ తరలిస్తున్నారు. రెవెన్యూ, అటవీశాఖల పర్యవేక్షణ కొరవడటంతో విచ్చలవిడిగా కొండలను పిండి చేసి కంకర తరలిస్తున్నారు. అసైన్డ్‌ ద్వారా పట్టాలు పొందిన భూములను నిల్వ కేంద్రాలుగా వినియోగిస్తుండటం గమనార్హం.