వైకాపా పతనానికి నాంది: బీద

నెల్లూరు(స్టోన్‌హౌస్‌పేట), న్యూస్‌టుడే : ఎమ్మెల్యే కోటా ఎమ్మెల్సీ ఎన్నికల్లో విజయం సాధించిన తెదేపా అభ్యర్థిని పంచుమర్తి అనూరాధకు తెదేపా జాతీయ ప్రధాన కార్యదర్శి బీద రవిచంద్ర శుభాకాంక్షలు తెలిపారు. ఈమేరకు గురువారం ఆయన ఓ ప్రకటన విడుదల చేశారు. అనూరాధ విజయం వచ్చే ఎన్నికల్లో వైకాపా పతనానికి నాంది కానుందని పేర్కొన్నారు.

* అనూరాధ గెలుపు పార్టీ జాతీయ అధ్యక్షుడు చంద్రబాబు నాయుడు కార్యదక్షతకు నిదర్శనమని తెలుగురైతు రాష్ట్ర కార్యదర్శి ఆలూరు వెంకటేశ్వర్లు చౌదరి తెలిపారు. ఆపార్టీ నగర అధ్యక్షుడు ధర్మవరం సుబ్బారావు, రాష్ట్ర కార్యనిర్వాహక కార్యదర్శి, మాజీ జడ్పీ ఛైర్మన్‌ చెంచలబాబు యాదవ్‌ ఆమెకు శుభాకాంక్షలు తెలిపారు.

* వేదాయపాళెం కూడలిలో గురవారం మాజీ కార్పొరేటర్‌ దొడ్డపనేని రాజానాయుడు ఆధ్వర్యంలో పార్టీ శ్రేణులు సంబరాలు నిర్వహించాయి. పెద్దఎత్తున బాణసంచా కాల్చి మిఠాయిలను పంచిపెట్టాయి. కార్యక్రమంలో నాయకులు పెంచలనాయుడు, సాబీర్‌ఖాన్‌, జలదంకి సుధాకర్‌, శివాచారి తదితరులు పాల్గొన్నారు.