ఘనంగా సోమిరెడ్డి ముందస్తు జన్మదిన వేడుకలు

మనవడు, మనవరాలితో కలిసి కేక్‌ కట్ చేస్తున్న సోమిరెడ్డి

వెంకటాచలం, న్యూస్‌టుడే: మాజీ మంత్రి, తెదేపా పొలిట్బ్యూరో సభ్యుడు సోమిరెడ్డి చంద్రమోహన్‌రెడ్డి ముందస్తు జన్మదిన వేడుకలు తెదేపా మండలశాఖ అధ్వర్యంలో శనివారం నిర్వహించారు. పార్టీ కార్యాలయంలో కేక్‌ ఏర్పాటు చేయగా కార్యకర్తల సమక్షంలో... మనవడు రణదేవ్‌రెడ్డి, మనవరాలు అమైరారెడ్డిలతో కలిసి సోమిరెడ్డి కేక్‌ కట్ చేశారు. జన్మదినం సందర్భంగా రక్తదాన శిబిరాన్ని నిర్వహించారు. పార్టీ నాయకులు, కార్యకర్తలు, విద్యార్థులు రక్తదానం చేశారు. నెల్లూరు ఎనెల్‌ ఆసుపత్రి ఆధ్వర్యంలో ఉచిత వైద్యశిబిరం నిర్వహించి రోగులకు మందులు అందజేశారు. సెయింట్ జ్యూడ్స్‌ మానసిక వికలాంగుల కేంద్రంలోని దివ్యాంగులకు సోమిరెడ్డి దుస్తులు అందజేశారు. అనంతరం అన్నదాన కార్యక్రమం జరిగింది. రక్తదానం, వైద్యశిబిరాలను పరిశీలించిన సోమిరెడ్డి వారిని అభినందించారు. ఈ కార్యక్రమంలో తెదేపా మండలశాఖ అధ్యక్షుడు గుమ్మడి రాజాయాదవ్‌, జిల్లా నాయకులు కుంకాల నాగేంద్రప్రసాద్‌, రాధాకృష్ణనాయుడు, బొమ్మి సురేంద్ర పాల్గొన్నారు.