విజిబుల్‌ పోలీసింగ్‌తో నేరాల నియంత్రణ: ఎస్పీ

మాట్లాడుతున్న జిల్లా ఎస్పీ సీహెచ్‌ విజయరావు

నెల్లూరు (నేర విభాగం), న్య్టూుడే : జిల్లాలో నేరాల నియంత్రణకు విజిబుల్‌ పోలీసింగ్‌ అమలుచేయాలని ఎస్పీ సీహెచ్‌ విజయరావు ఆదేశించారు. శనివారం ఉమేష్‌చంద్ర కాన్ఫరెన్స్‌ హాలులో నేర సమీక్ష జరిగింది. జిల్లాలోని పోలీసుస్టేషన్లలో నమోదైన కేసుల పరిష్కారానికి సూచనలు ఇచ్చారు. ఈసందర్భంగా మాట్లాడుతూ రాత్రి గస్తీ నిర్వహించే సిబ్బంది విధుల్లో నిర్లక్ష్యంగా వ్యవహరిస్తే చర్యలు తప్పవన్నారు. నాన్‌ బెయిలబుల్‌ వారెంట్లలో సంబంధిత వ్యక్తులను న్యాయస్థానంలో హాజరుపరచాలన్నారు. కేసుల్లో న్యాయపరమైన ఇబ్బందులు ఎదురుకాకుండా తీసుకోవాల్సిన జాగ్రత్తలను ఏపీపీ కేదార్‌నాథ్‌ వివరించారు. గుండెపోటుతో మృతి చెందిన ఆత్మకూరు సీఐ నాగేశ్వరరావు చిత్రపటానికి నివాళులర్పించారు.