కాంగ్రెస్‌ శ్రేణుల నిరసన

ర్యాలీలో పాల్గొన్న కాంగ్రెస్‌ జిల్లా అధ్యక్షులు చేవూరు దేవకుమార్‌రెడ్డి, లతారెడ్డి తదితరులు

నెల్లూరు(జడ్పీ) : కాంగ్రెస్‌ అగ్ర నాయకులు రాహుల్‌గాంధీపై కేంద్ర ప్రభుత్వం అనర్హత వేటు వేయడంపై నెల్లూరులో ఆ పార్టీ శ్రేణులు నిరసనకు దిగాయి. ఆ పార్టీ జిల్లా అధ్యక్షులు చేవూరు దేవకుమార్‌రెడ్డి ఆధ్వర్యంలో ఇందిరా కాంగ్రెస్‌ భవన్‌ నుంచి ట్రంకురోడ్డు వరకు ప్రదర్శన నిర్వహించారు. పలువురు నాయకులు నల్లదుస్తులు ధరించి ఈ కార్యక్రమంలో పాల్గొన్నారు. కార్యక్రమంలో మహిళా కాంగ్రెస్‌ జిల్లా అధ్యక్షురాలు లతారెడ్డి, నగర ఇన్‌ఛార్జి ఫయాజ్‌, పీసీసీ కార్యదర్శి మోహనరెడ్డి, యువజన కాంగ్రెస్‌ అధ్యక్షులు గణేశ్‌, అధికార ప్రతినిధి సురేష్‌ పాల్గొన్నారు.