వైద్య చికిత్సకు వచ్చి ఆకస్మిక మృతి

విజయవాడ: చికిత్స నిమిత్తం నగరంలోని హనుమాన్‌పేటలో ఓ ప్రైవేటు వైద్యశాలకు వచ్చిన గుర్తుతెలియని వృద్ధుడు (70) మృతి చెందిన ఘటన గవర్నర్‌పేట పోలీస్‌స్టేషన్‌ పరిధిలో చోటుచేసుకుంది. వృద్ధుడు పేరు రాజు అని, ఊరు నెల్లూరు అని ఆసుపత్రి సిబ్బంది చెబుతున్నారు. శనివారం ఉదయం సిరివెళ్ల నర్సింగ్‌ హోంకు వచ్చి అకస్మాత్తుగా చనిపోయారు. మృతదేహాన్ని కొత్త ప్రభుత్వాసుపత్రిలోని మార్చురీకి తరలించారు. తెలిసిన వారు గవర్నర్‌పేట పోలీస్‌స్టేషన్‌ 0866-2576023 నెంబరును సంప్రదించాలని పోలీసులు కోరారు.