శ్రీరామనవమికి ముస్తాబు

న్యూస్‌టుడే, నెల్లూరు(సాంస్కృతికం): శ్రీరామనవమి వేడుకలకు ఊరూవాడా ముస్తాబైంది. సీతారాముల కల్యాణోత్సవానికి ఏర్పాట్లు పూర్తయ్యాయి. నెల్లూరు దర్గామిట్టలోని శబరి శ్రీరామక్షేత్రానికి సంబంధించి.. తితిదే కల్యాణ మండపం ఎదురుగా ఉన్న వేమాలశెట్టి బావి ప్రాంగణంలో కల్యాణ వేదికను సిద్ధం చేశారు. ఎనిమిది వేల మంది కల్యాణోత్సవాన్ని తిలకించేలా ఏర్పాట్లు చేశారు. వేడుకలను పురస్కరించుకుని.. శనివారం దేవస్థానంలో పసుపు దంచి, సీతాదేవిని పెళ్లికుమార్తెను చేసి ప్రత్యేక పూజలు చేశారు.  

వేమాలశెట్టి బావి ప్రాంగణంలో కల్యాణోత్సవానికి సిద్ధమైన వేదిక

పసుపు దంచే కార్యక్రమంలో మహిళలు