పాత నేరస్థుల కదలికలపై దృష్టి

బోధన్‌ ఠాణాలో సిబ్బందితో మాట్లాడుతున్న సీపీ నాగరాజు

బోధన్‌, న్యూస్‌టుడే: స్నేహపూర్వక పోలీసింగ్‌తో సమాచార వ్యవస్థను బలోపేతం చేసుకోవాలని, నేరాల నియంత్రణకు ముందుచూపుతో వ్యవహరించాలని సీపీ నాగరాజు సూచించారు. పెట్రోలింగ్‌ చేసేప్పుడు, ఇతర సమయాల్లో కాలనీల్లో పర్యటిస్తున్నప్పుడు పాత నేరస్థుల కదలికలు గమనించాలని ఆదేశించారు. బోధన్‌ ఠాణాను సోమవారం రాత్రి సందర్శించారు. జప్తు చేసిన వాహనాలను పరిశీలించారు. బ్యారెక్‌ చూసి రికార్డులు తనిఖీ చేశారు. ఏసీపీ రామారావు ఇన్‌స్పెక్టర్లు రవీందర్‌నాయక్‌, ప్రేమ్‌కుమార్‌ తదితరులున్నారు.