ముగిసిన పీబీఆర్‌ క్రికెట్‌ టోర్నీ

బీర్కూరు : మండల కేంద్రంలో ఈ నెల 5న తెరాస యువజన సంఘం మండలాధ్యక్షుడు మియాపురం శశికాంత్‌ ఆధ్వర్యంలో ప్రారంభమైన పీబీఆర్‌(పోచారం భాస్కర్‌రెడ్డి) క్రికెట్‌ టోర్నీ ముగిసింది. రెండు వారాల పాటు హోరాహోరీగా సాగిన ఈ టోర్నీలో 30జట్లు పాల్గొన్నాయి. ప్రథమ విజేతగా నిలిచిన బీర్కూరు జట్టుకు రూ.11,500 నగదు, ద్వితీయ జట్టు వర్నికి రూ.7,500 నగదుతో పాటు ట్రోఫీలను ఎంపీపీ రఘు, మాజీ జడ్పీటీసీ సభ్యుడు ద్రోణవల్లి సతీశ్ అందజేశారు. ఈ కార్యక్రమంలో రైసస గ్రామ అధ్యక్షుడు గంగారాం, టోర్నీ నిర్వాహకులు ప్రవీణ్‌, సాయి, రాజు, గజేందర్‌ తదితరులు పాల్గొన్నారు.