సభ్యత్వ నమోదు వేగవంతం చేయాలి

మాట్లాడుతున్న మాజీ మంత్రి షబ్బీర్‌అలీ, పక్కన జిల్లా అధ్యక్షుడు కైలాస్‌ శ్రీనివాస్‌

లింగంపేట, న్యూస్‌టుడే: కాంగ్రెస్‌ డిజిటల్‌ సభ్యత్వ నమోదును ప్రతి కార్యకర్త వేగవంతం చేయాలని మాజీ మంత్రి షబ్బీర్‌అలీ పేర్కొన్నారు. లింగంపేటలో బుధవారం నియోజకవర్గ బూత్‌స్థాయి సమన్వయ కర్తలతో సమావేశమయ్యారు. నియోజకవర్గంలో 30 వేల సభ్యత్వాలు లక్ష్యం కాగా.. ఇప్పటి వరకు 7 వేలు చేయించినట్లు తెలిపారు. 200 పైబడి సభ్యత్వం చేసిన కార్యకర్తలను సన్మానించారు. 500 సభ్యత్వం చేయించిన వారికి పీసీసీ అధ్యక్షుడు రేవంత్‌రెడ్డితో చరవాణిలో మాట్లాడిస్తానన్నారు. మాజీ కోఆప్షన్‌ సభ్యుడు ఈర్షద్‌ కాంగ్రెస్‌లో చేరారు. లింగంపేట మండలాధ్యక్షుడు షరీఫ్‌ వేదిక పైకి అందరిని పిలిచి మాజీ జిల్లా అధ్యక్షురాలు జమునారాఠోడ్‌, డా.వెంకట్‌ను పిలవకపోవడంతో వారి వర్గీయులు నిరసన తెలిపారు. గందరగోళం నెలకొనడంతో షబ్బీర్‌అలీ కల్పించుకొని డా.వెంకట్‌ను వేదికపైకి పిలిచారు. పార్టీ కోసం అందరూ కష్టపడాలని సముదాయించడంతో వివాదం సద్దుమణిగింది. జిల్లా అధ్యక్షుడు కైలాస్‌ శ్రీనివాస్‌, జిల్లా మహిళా అధ్యక్షురాలు మాధవీగౌడ్‌, మధన్‌మోహన్‌రావు, ఒడ్డెపల్లి సుభాష్‌రెడ్డి,   రమేశ్‌  ముదిరాజ్‌, మహేందర్‌  పాల్గొన్నారు.